Frå Hamas til Likud

Utdanningsministeren i Israel og eg er usamde om mykje i politikken. Han kjem frå høgrepartiet Likud, og er ein av Benjamin Netanyahu sine viktigaste støttespelarar. Ein ting har vi felles. Vi har begge vore DJ’ar. Det vil seie, han er det framleis. Han skal spele eit sett i Tel Aviv på laurdags kveld, som vert overført på internett (eg har ikkje fått adressa enno – skal legge den ut!) 

Møtet var ein del av min politiske runde her. Hamas, Fatah og Likud. I tillegg nokre uavhengige. I morgon Kadima og Labour. For den uinvidde: Dette er namnet på politiske parti og rørsler i Palestina og Israel.

Mange kjenner hovudtrekka i den israelske okkupasjonen av Palestina og konflikten rundt det. Mindre kjent er det at det er store konfliktar i så vel israelsk som palestinsk politikk som gjer ei løysing vanskeleg.

I Israel skjer det ei kraftig høgredreining som har utradert dei tradisjonelle fredskreftene. Eit sekulært sentrum (Labour og Kadima) ber vidare tanken om ei tostatsløysing, men stadig fleire busettarar og sterke religiøse høgrekefter utfordrar den kraftig. Likud står i krysselden mellom desse. Israel er lenger unna forhandlingsbordet enn på lenge.

I Palestina har splittelsen mellom Fatah (den breie men svekka folkerørsla rundt Arafat og Abbas) og Hamas (den islamistiske og sosiale rørsla som vann valet i 2006) sett djupe spor. Det er mangel på tillitt og få teikn til samling, noko som vart forsterka av at det internasjonale samfunnet ikkje annerkjente samlingsregjeringa i 2007. I rommet mellom dei to veks andre miljø fram, slik som statsminister og teknokrat Salam Fayad. Her frå mitt møte med to tidlegare ministrar frå Hamas-regjeringa.

4 tanker på “Frå Hamas til Likud

  1. Ble du invitert av Hamas-karene til å overvære den nylige henrettelsen av to arabere de anklaget for samarbeid med Israel?
    Hva gjør du for å redde de andre som venter på henrettelse?

    Se her:
    "Hamas executes suspected informants" http://www.jpost.com/ArtsAndCulture/Entertainment

    Hva mener du om dette?

    Og hva mener du om hatpropagandaen mot jøder og Israel?
    Hva gjør du for å få araberne til å stanse denne alvorlige hindringen for fred?

    Sehttp://www.palwatch.org

    Lik

  2. Denne konflikten virker mye mer innviklet enn den må være. Hvis disse lederne bare kunne satt seg ned, satt til side sin trangsynthet og egoisme, så hadde løsningen på problemet vært sære enkelt. Men det virker ikke som de er interessert i å løse denne konflikten som har vært altfor lenge. Dette gjelder så mange konflikter verden over. Konflikter blir gjort vanskligere enn det de nødvendigvis er.

    Lik

  3. Tilbaketråkk: Solhjell i dei palestinske områda

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s