Nede for blogging

Det vert lite blogging (og andre sosiale medier) i permisjonen. Eg er eigentleg ganske nøgd med det, då det ville stressa meg og tatt vekk litt av permisjonen om eg skulle halde vanleg tempo på dette. Det er trass alt i stor grad jobbrelatert.

Eg har i grunn ikkje fått mange som har klaga heller. Og litt kjem det nok innimellom. Så dette mest som ei lita påminning.

Bloggpause i jula

Frå mi tilbakelente av-og-på innstilling til bloggen medan eg har pappaperm, tek eg total bloggpause i jula. Ganske enkelt. Skal bli godt å berre tenke på andre ting.

God jul og godt nyttår til alle saman. Nyt den med denne ukjente og julete sviska frå 1986. Virginia Astley «Some Small Hope» (m David Sylvian på vokal i tillegg til Astley)

I perm3 og svar om musikk

Ein del kommentarar til mine topp 20 låtar, både her og på twitter. Mange som etterspør kvar det blir av ulike band og artistar. Fleire av dei kjem attende på LP-lista (t.d Motopsycho), andre har eg aldri tent heilt på (som Susanne Sundfør el John Olav Nilsen). Då har eg allereie røpa at eg kjem med ei ny liste.

Ellers går dagane med mat, bleier, leiking, juleførebuing og litt politiske prosjekter på si. Og henting og levering. Det er utruleg kor mykje tid det er mogeleg å bruke på å kle på, pakke inn i bilen (eller gå i saaakte tempo), pakke ut og få avlevert tre ungar. Og så hente. Det er to lange prosjekt kvar dag.

I perm2

Det ruslar og går her ute. Har stort sett vore inne dei to siste dagane, med eit sjukt barn i tillegg til minstejenta. Rutinane har sett seg, eg syslar med små prosjekt og held litt (for mykje) kontakt med jobben. Skal nok sleppe betre etter kvart, men først skal eg gjennom ein runde Obama på bankett på torsdag.

Kan ikkje for det, men gler meg veldig. Blir utruleg moro å sjå han.

I perm1

Karen søv rett utanfor her, og eg skal bruke den ledige stunda midt på dagen til å skrive ein superkort bloggpost medan eg drikk ein kopp kaffe, rydde, vaske opp, dusje, ta eit par telefonar, sette opp liste over julepresangar og ta eit par telefonar. Eller rettare sagt – så mykje av dette eg får gjort (det er truleg ikkje så mykje).

Erfaringa mi frå sist er at den tida eg har kan vere frå ein halv til to timar, er sepnt på å sjå korleis mønsteret er no. Karen søv førebels to gonger, med ei første (og ganske lang) morgonøkt tidleg. Det betyr at eg stort sett kan få dusja og drukke litt kaffe då, med mindre eg har noko eg må gjere (som i dag)

Eg skal ha pappaperm i (minst) tre månedar, og i denne perioden har eg tenkt å trappe litt ned på blogginga for ikkje å ha det hengande over meg sånn. Eg ser på blogging som jobb (sjølv om det er ein del av jobben eg likar godt), og difor er det ein del av det å la jobben (i alle fall i stor grad) ligge att på jobben.

Eg tenkjer likevel at eg sporadisk skal kommentere politikk og samfunn, oppsummere musikkåret 09 og skrive vekas plate. Dessutan skal eg med ujamne mellomrom skrive litt om det å vere i pappaperm. Det er tredje gongen min, og eg tenkjer det kan vere moro for meg (og kven veit; kanskje interessant for ein eller annan anna person) å gjere det. Serien «I perm» er lansert!

Tyst på bloggen

Tyst på bloggen denne veka. Har vore i utlandet, men vender heim i morgon. Då skal eg ta det att  med ei enkel feiring av overstått 1-årsdag for bloggen, og avslutning av min serie om shoegazing.

Pappaperm veke 1

Eg er ikkje på jobb i morgon, og neste veke har eg første veka av pappapermen min. Så skal eg innom jobb igjen ei veke før det er ein lengre perm. Det kjennes som nett det eg treng no, sjølv om det samstundes er litt rart å ta ein lengre pause frå ein jobb eg er i ferd med å kome inn i og er meir og meir motivert for.